Ne Söz Keleci İlahi Sözleri

Ne var eğer Yunus dahi aşk içinde zerre ise,
Aşk oduyla kâyım durur yer ile gök çarh-ı felek.

Ne söz keleci der isem dilim seni söyleyecek,
Kanda yürürsem yürürem senden yana kaçar dilek.
Haktır seni sevmezlere cânsız sûrettir der isem,
Onun için cânlılara senin gibi ma’şûk gerek.

Söylediğin cümle âleme henüz nikâb içindesin,
Bir dem perdesiz yürüsen iki cihân olur helâk.
Dev ü peri ins ü melek sever seni her mahlûkât,
Hayrân olup ileyinde durmuş durur hûr u melek.

Nûşdur senin elin ile zehr-i kâtil içer isem,
Bilmezem ne manâsı var ol olur cânıma tiryâk.
Ger şehd ü şeker yer isem sensiz ağudur cânıma,
Çün cânımın sensin tadı kanda bulam senden yiğrek.

Yüz bin eğer cevr ü cefâ uğrar ise sûretime,
Hiç eksilmez şadılığı cümle diler seni sevmek.
Ne var eğer Yunus dahi aşk içinde zerre ise,
Aşk oduyla kâyım durur yer ile gök çarh-ı felek.