Ey Gönül Ağyarla Yar Olmak İlahi Sözleri

Remz-i fikr-i mû-şikâf eyle Salâhî dikkat it,
Mekteb-i aşk içre bir ders-i hakîkatdir sana.

Ey gönül ağyârla yâr olmak kabâhatdir sana,
Zikr ü fikr-i Hakk’da mahv olmak sa’âdetdir sana.
Levh-i hâtırdan sivâ fikrin izâle eyleyen,
Nehr-i sırdan cârî olan bahr-ı vahdetdir sana.

Gel nukûş-i bî-sebât-ı kesrete dil bağlama,
Kesret-i emvâc-ı bahra bak ki ibretdir sana.
Gel nukûş-i bî-sebât-ı kesrete dil bağlama,
Kesret-i emvâc-ı bahra bak ki ibretdir sana.

Kesreti vahdetle vahdet kesretiyle mümtezic,
Bu mu’ammâ-yı acîbe bir işâretdir sana.
Kıssadan bir hisse al mâhiyyetin derk idegör,
Hestî-i mevhûmu anla bir işâretdir sana.

Anladıñsa yokluğun Hakk varlığın fehm eyledin,
Men aref sırrı Hudâ’dan bir inâyetdir sana.
Remz-i fikr-i mû-şikâf eyle Salâhî dikkat it,
Mekteb-i aşk içre bir ders-i hakîkatdir sana.