Değme Bir Andığımda İlahi Sözleri

Said n’ider pişeyi kaçan kor temâşâyı,
Aşkdan temâşâ duyan ayruk pişeye varmaz.

Değme bir andığımda yürek yerinde durmaz,
Nice kim anı anam gönlüm hiç karar kılmaz.
Bana derler oturgıl bir yerde sebat urgıl,
Sebatın andan iste gönlümü bana vermez.

Aşk hod deniz misâli mevci kapar gönlümü,
Yüz bin tefekkür itdim endişem ana irmez.
Sermâyem gönül idi aşk irdi yağmaladı,
Cânımın derdi oldur görmeğe destûr virmez.

Kime şikâyet idem kim koyup kime gidem,
Yine ana varayım yüreğim ayrı varmaz.
Aşk burcundan inerim zamâneye dönerim,
Aşkdan artık pişeyi Dost bana revâ görmez.

Gark oldum aşk mevcine deniz teferrücüne,
Aşkdan çıkmayan gönül ayruk kendine gelmez.
Said n’ider pişeyi kaçan kor temâşâyı,
Aşkdan temâşâ duyan ayruk pişeye varmaz.