Dil Bağlama Cihana İlahi Sözleri

Eyle Hayâlî her ne ise şer’e iktidâ,
Olmaz ta’alluk şol ki bi-emr-i Hudâ-durur.

Dil bağlama cihâna ta’alluk hatâ-durur,
Âzâdeler kamusu hoş pür-safâ-durur.
Ser-sebz ü ser-firâz u ferah-bahş ü ercümend,
Azâde servi göre nice hoş-nümâ-durur.

Her şâh-ı berge itdi ta’alluk fevâkihe,
Beli büküdü bâr ile dâim dü-tâ-durur.

Âzâde ol ü mutlak terk it ta’alluku,
Varlık ne ise dünyede cevr ü cefâ-durur.
Eyle Hayâlî her ne ise şer’e iktidâ,
Olmaz ta’alluk şol ki bi-emr-i Hudâ-durur.