Dide Ruşen Dense İlahi Sözleri

Tâlib-i cennât-ı rıdvân olalım,
Doğdu çünkü nûr Muhammed Mustafâ.

Dîde rûşen dense bu dehre sezâ,
Doğdu çünkü nûr Muhammed Mustafâ.
Mâh-ı Mevlid oldu zî-kadr ü bahâ,
Doğdu çünkü nûr Muhammed Mustafâ.

N’ola fahr etse şuhûra işbu mâh,
Esse bâd-ı bâğ-ı firdevs subh-gâh.
Yıkanup pâk olsa her kalb-i siyâh,
Doğdu çünkü nûr Muhammed Mustafâ.

Her münâfık eylesin terk-i nifâk,
Eyleyüp şer’-i şerîfde ittifâk.
Bundadır zîrâ selâmet bâ-vifâk,
Doğdu çünkü nûr Muhammed Mustafâ.

Subh u şâm şâdân ü handân olalım,
Âmil-i fermân-ı Kur’ân olalım.
Tâlib-i cennât-ı rıdvân olalım,
Doğdu çünkü nûr Muhammed Mustafâ.

Fevzî lâbüd terk-i âlâm eylesin,
İntizâr-ı lutf u in’âm eylesin.
Hamd ü şükr-i menn-i mün’âm eylesin,
Doğdu çünkü nûr Muhammed Mustafâ.