Derdi Derun Taşdı İlahi Sözleri

Lutfiyâ çenber-i çarhı düzeltmek,
Mehdî Âl-i Resûl sultâne mahsûs.

Derd-i derûn taşdı ummâne döndü,
Bu derdin dermânı Lokmân’e mahsûs.
Ecel yakın bu cân kurbâne döndü,
Dest-gîrlik ancak Rahmân’e mahsûs.

Âteş aldı cihân zâhir ü nihân,
Çâr kûşede yokdur bir dârü’l-emân.
Mürg-i ankâ olmuş cihânda îmân,
Kâdirü Kayyûm’dan fermâne mahsûs.

Merhamet-i Mevlâ ümîdgâhımız,
Hakk’dan gayrı yokdur bir penâhımız.
Şer’-i şerîf idi şâh-râhımız,
Yevm-i kıyâmetde dîvâne mahsûs.

Hakkâ islâm olup râhı gözetmek,
Kitâbullah ile dîni bezetmek.
Lutfiyâ çenber-i çarhı düzeltmek,
Mehdî Âl-i Resûl sultâne mahsûs.